VNI:-
रोजगार मेळाव्याचा लाभ घ्या : आ. देवराव होळी
विदर्भ न्यूज इंडिया
गडचिरोली : जिल्ह्यात रोजगाराची संधी व उद्योजकतेचे पर्व सुरू केल्याबद्दल कौशल्य विकास विभागाचे गोंडवाना विद्यापीठाचे अभिनंदन करीत रोजगार घेणारे नाहीं तर रोजगार देणारे बनण्याच्या हेतुने या रोजगार मेळाव्यात सहभागी होऊन मेळाव्याचा लाभ घ्यावा, असे आवाहन आमदार डॉ. देवराव होळी यांनी केले.
गोंडवाना विद्यापीठ व जिल्हा कौशल्य विकास रोजगार व उद्योजकता मार्गदर्शन केंद्राच्या संयुक्त विद्यमाने आयोजित पंडित दीनदयाल उपाध्याय रोजगार मेळाव्याच्या उद्घाटनप्रसंगी ते बोलत होते. कार्यक्रमाच्या अध्यक्षस्थानी खासदार अशोक नेते होते. प्रमुख अतिथी म्हणून उद्योग आघाडीचे नागपुर येथील गिरिधारी मंत्री, जिल्हा कौशल्य विकास अधिकारी शेंडे प्रामुख्याने उपस्थित होते. यावेळी मार्गदर्शन करताना आमदार होळी म्हणाले की, देशाचे नेतृत्व पंतप्रधान नरेंद्र मोदी यांच्या हाती आल्यापासून आपला देश आत्मनिर्भरतेकडे जात आहे. आपला देश आता प्रत्येक क्षेत्रात विकासाच्या मार्गावर आहे. त्यातूनच आता अधिकाधिक युवक- युवतींना रोजगाराच्या संधी देखील उपलब्ध होत आहेत. त्याच रोजगाराची संधी उपलब्ध करून देण्यासाठी हा मेळावा आयोजित करण्यात आलेला असल्याचे आमदार होळी म्हणाले. गोंडवाना विद्यापीठाचे कुलगुरू यांनी या 6 महिन्याच्या कालावधीत गोंडवाना विद्यापिठाच्या माध्यमातून रोजगार उद्योग वाढीच्या दृष्टीने उत्तम कार्य करीत असून त्यातूनच गडचिरोली जिल्ह्यामध्ये उद्योगाचे नवे पर्व सुरू झाले असल्याचे प्रतिपादन केले.
