महायुतीचं मंत्रिमंडळ खाते वाटप जाहीर; कोणाला कोणते खाते मिळाले.? बघा..

दि. 23 डिसेंबर 2024 

MEDIA VNI 

महायुतीचं मंत्रिमंडळ खाते वाटप जाहीर; कोणाला कोणते खाते मिळाले.? बघा..

Maharashtra Cabinet Minister Post List

मीडिया वी.एन.आय : 

नागपूर : अधिवेशनाच्या एक दिवस आधी मंत्रिमंडळाचा विस्तार झाला होता. यामध्ये महायुतीच्या 39 मंत्र्यांनी शपथ घेतली होती. त्यामध्ये भाजपच्या सर्वाधिक 19 तर शिवसेनेच्या 11 आणि राष्ट्रवादी अजित पवार गटाच्या 9 मंत्र्यांनी शपथ घेतली होती. दरम्यान त्यानंतर खाते वाटप मात्र रखडलं सर्व राज्याचं लक्ष खाते वाटपाकडे लागलं होतं, कोणाला कोणतं खातं मिळणार? गृहमंत्रालय, अर्थ खातं आणि महसूल खांत कोणाकडे असणार याबाबत उत्सुकता निर्माण झाली होती अखेर खाते वाटप जाहीर झालं आहे. अधिवेशनाच्या शेवटच्या दिवशी खाते वाटप जाहीर करण्यात आले.

राज्य मंत्रिमंडळाचे खातेवाटप २१ डिसेंबर रोजी जाहीर करण्यात आले आहे. याबाबतची अधिसूचना राज्य शासनाने प्रसिद्ध केली आहे. त्यानुसार मुख्यमंत्री देवेंद्र फडणवीस यांच्या नेतृत्वाखालील मंत्रिमंडळाचे खाते वाटप पुढीलप्रमाणे;

मुख्यमंत्री देवेंद्र फडणवीस : गृह, ऊर्जा (अपारंपारिक ऊर्जा वगळून) विधी व न्याय, सामान्य प्रशासन, माहिती व जनसंपर्क, आणि इतर कोणत्याही मंत्र्यांना विवक्षितपणे नेमून न दिलेले विभाग किंवा विषय.

उपमुख्यमंत्री एकनाथ शिंदे : नगरविकास, गृहनिर्माण, सार्वजनिक बांधकाम ( सार्वजनिक उपक्रम)

उपमुख्यमंत्री अजित पवार : वित्त व नियोजन, राज्य उत्पादन शुल्क.

मंत्री 

 

चंद्रशेखर बावनकुळे : महसूल

 राधाकृष्ण विखे – पाटील : जलसंपदा (गोदावरी आणि कृष्णा खोरे विकास महामंडळ)

 हसन मुश्रीफ : वैद्यकीय शिक्षण

 चंद्रकांत (दादा) पाटील : उच्च व तंत्रशिक्षण, संसदीय कार्य

 गिरीश महाजन : जलसंपदा ( विदर्भ, तापी, कोकण खोरे विकास महामंडळ), आपत्ती व्यवस्थापन.

 गणेश नाईक : वने

 गुलाबराव पाटील: पाणी पुरवठा व स्वच्छता.

 दादाजी भुसे: शालेय शिक्षण.

 संजय राठोड : मृद व जलसंधारण.

 धनंजय मुंडे : अन्न, नागरी पुरवठा व ग्राहक संरक्षण.

मंगलप्रभात लोढा : कौशल्य विकास, रोजगार, उद्योजकता व नाविन्यता.

उदय सामंत : उद्योग, मराठी भाषा

जयकुमार रावल : पणन, राजशिष्टाचार.

पंकजा मुंडे : पर्यावरण आणि वातावरणीय बदल, पशुसंवर्धन.

अतुल सावे : इतर मागास, बहूजन कल्याण, दूग्धविकास, अपारंपारिक ऊर्जा

अशोक उईके : आदिवासी विकास.

शंभुराज देसाई : पर्यटन, खनिकर्म, माजी सैनिक कल्याण.

ॲड. आशिष शेलार : माहिती तंत्रज्ञान, सांस्कृतिक कार्य.

दत्तात्रय भरणे : क्रीडा व युवक कल्याण, अल्पसंख्याक विकास व औकाफ.

 

आदिती तटकरे : महिला व बालविकास.

शिवेंद्रसिंह भोसले : सार्वजनिक बांधकाम ( सार्वजनिक उपक्रम वगळून).

ॲड. माणिकराव कोकाटे : कृषी.

जयकुमार गोरे : ग्रामविकास व पंचायत राज.

 नरहरी झिरवाळ : अन्न व औषध प्रशासन , विशेष सहाय्य.

 संजय सावकारे : वस्त्रोद्योग.

 संजय शिरसाट : सामाजिक न्याय.

 प्रताप सरनाईक : परिवहन

भरत गोगावले : रोजगार हमी, फलोत्पादन, खारभूमी विकास.

मकरंद जाधव (पाटील) : मदत व पुनर्वसन.

नितेश राणे : मत्स्यव्यवसाय व बंदरे.

 

आकाश फुंडकर : कामगार.

बाबासाहेब पाटील : सहकार.

प्रकाश आबिटकर : सार्वजनिक आरोग्य व कुटुंब कल्याण.

राज्यमंत्री 

ॲड. आशिष जयस्वाल : वित्त, नियोजन, कृषी, मदत व पुनर्वसन, विधि व न्याय, कामगार,

माधुरी मिसाळ : नगर विकास, परिवहन, सामाजिक न्याय, वैद्यकीय शिक्षण, अल्पसंख्याक विकास व औकाफ.

डॉ. पंकज भोयर : गृह ( ग्रामीण), गृहनिर्माण, शालेय शिक्षण, सहकार, खनिकर्म.

मेघना बोर्डीकर : सार्वजनिक आरोग्य व कुटुंब कल्याण, पाणीपुरवठा आणि स्वच्छता, ऊर्जा, महिला व बालविकास, सार्वजनिक बांधकाम ( सार्वजनिक उपक्रम).

इंद्रनील नाईक : उद्योग, सार्वजनिक बांधकाम, उच्च व तंत्रशिक्षण, आदिवासी विकास, पर्यटन, मृद आणि जलसंधारण.

योगेश कदम : गृह ( शहरी) महसूल, ग्रामविकास आणि पंचायतराज, अन्न, नागरी पुरवठा व ग्राहक संरक्षण, अन्न व औषध प्रशासन.

Mahayuti's Cabinet Account Allocation Announced; Who got which account? Look..

#Maharashtra-Cabinet #Maharashtra #महाराष्ट्र #MediaVNI #Vidhansabha #minister