Vidarbha News India:-
VNI:-
गडचिरोली : मौजा लड्डुडेरा (हेटळकसा) जंगलात नक्षलवाद्यांचे साहित्य मिळाले !Naxalites
विदर्भ न्यूज इंडिया
गडचिरोली : कुरखेडा भागातील मौजा लड्डुडेरा (हेटळकसा) जंगलाच्या परिसरात मोठ्या प्रमाणात दारूगोळा, स्फोटके आणि अन्य साहित्य असल्याची गुप्त माहिती मिळाल्यावर विशेष अभियान पथक गडचिरोली आणि बी.डी.डी.एस्. पथकाचे जवान यांनी कारवाई करून ते शोधून काढले आहे.
नक्षलवादी Naxalites शासनविरोधी विविध घातपाती हिंसक कारवाया करण्यासाठी गोपनियरित्या लपवून ठेवलेल स्फोटक साहित्य जप्त करण्यास गडचिरोली पोलिसांना यश आले आहे.
त्या माहितीच्या आधारे विशेष अभियान पथक गडचिरोली व बी. डी. डी. एस. पथकाचे जवान नक्षलविरोधी अभियान राबवित असतांना एका संशयीत ठिकाणी लपवुन ठेवलेले स्फोटके व इतर साहित्य शोधुन काढण्यात जवानांना यश आले आहे. यामध्ये 2 नग जिवंत कुकर, 2 नग क्लेमोर, 1 नग पिस्टल, 2 नग वायर बंडल व पाणी साठवण्याचा 1 नग जर्मन गंज इत्यादी नक्षल साहित्य हस्तगत करुन घटनास्थळावर Naxalites मिळालेल्या मुद्देमालावर कायदेशिर कारवाई करण्यात आली. यात स्फोटकांनी भरलेले 2 नग कुकर व 2 नग क्लेमोर हे बीडीडिएस पथकाच्या मदतीने अत्यंत सतर्कतेने जागेवरच नष्ट करण्यात आले असून, इतर साहीत्य गडचिरोली येथे आणण्यात आलेले आहे. गडचिरोली पोलिस दलाकडुन पुढील कारवाई सुरु आहे.
सदर कामगिरी पोलिस अधीक्षक अंकित गोयल, अपर पोलिस अधीक्षक (अभियान) सोमय मुंडे, अपर पोलिस अधीक्षक (प्रशासन) समीर शेख, अप्पर पोलिस अधीक्षक अनुज तारे यांच्या मार्गदर्शनाखाली पार पडली. Naxalites अभियानात सहभागी असलेल्या विशेष अभियान पथक गडचिरोली व बी.डी.डी.एस. पथकाच्या जवानांचे पोलिस अधीक्षक यांनी कौतुक केले आहे. नक्षलविरोधी अभियान तीव्र करण्यात आल्याचे सांगत नक्षलवाद्यांनी नक्षलवादाची हिंसक वाट सोडुन आत्मसमर्पण करुन सन्मानाने जीवन जगण्याचे आवाहन केले आहे