दि. 15.06.2023
Monsoon : खूशखबर! 23 जूनपासून संपूर्ण भारतात पावसाची हजेरी; हवामान विभागाने व्यक्त केला अंदाज
मीडिया वी.एन.आय :
मुंबई : महाराष्ट्रात मान्सूनचं आगमन झालेलं आहे. पंरतु अद्याप म्हणावा तसा पाऊस पडलेला नाही. त्यामुळे शेतकरी हवालदिल झालेले आहेत. आता हवामान विभागाने २३ जूनपासून संपूर्ण भारतामध्ये पाऊस पडण्याचा अंदाज व्यक्त केला आहे. ८ जून रोजी मान्सून केरळमध्ये धडकला होता. केरळात उशिराने मान्सून धडकल्याने महाराष्ट्रातही मान्सून लांबणार असल्याची चर्चा होती. मात्र ११ जून रोजी राज्यात मान्सूनने हजेरी लावली. राज्यात पुढच्या 4, 5 दिवसांत मेघगर्जनेसह पावसाची शक्यता वर्तवण्यात आलेली होती. त्यानुसार आज हवामान विभागाने व्यक्त केलेल्या अंदाजामध्ये भारतात येत्या 4 आठवड्यांसाठी पावसाचा विस्तारित श्रेणीचा अंदाज व्यक्त करण्यात आलेला आहे. येत्या 23 जूनपासून मध्य भारत व महाराष्ट्रात मान्सून बरसण्याचा अंदाज व्यक्त करण्यात आलेला आहे.
15/6, ERF for rainfall for coming 4 weeks by IMD today,indicates revival of SW Monsoon frm 23 Jun,including central India & Maharashtra
IMD द्वारे संपूर्ण भारतात येत्या 4 आठवड्यांसाठी पावसाचा विस्तारित श्रेणीचा अंदाज:23 जूनपासून मध्य भारत व महाराष्ट्रासह SW मान्सूनचे पुनरुज्जीवन.
दरम्यान, मान्सून यंदा उशिराने येण्याचा अंदाज व्यक्त करण्यात आलेला होता. ११ जून रोजी मान्सूनने हजेरी लावली असली तरी पेरणीयोग्य पाऊस झालेला नाही.
