दि. 20.10.2023
संपादक श्रीपाद अपराजित आणि वरिष्ठ बातमीदार केवल जीवनतारे यांची गोंडवाना विद्यापीठाच्या जनसंवाद विभागाला भेट
मीडिया वी.एन.आय :
गडचिरोली : महाराष्ट्र टाइम्स वृत्तपत्राचे संपादक श्रीपाद अपराजित आणि दैनिक सकाळ वृत्तपत्राचे वरिष्ठ पत्रकार केवल जीवनतारे यांनी आज गोंडवाना विद्यापीठाच्या जनसंवाद विभागाला भेट दिली. श्रीपाद अपराजित यांनी विद्यार्थ्यांना मार्गदर्शन करताना, स्वतःमधील 'अँग्री यंग मॅन' ला शोधा, मातीशी जुळून पत्रकारिता करा आणि अंतिम ध्येयापर्यंत पोहचा, असे मार्गदर्शन केले. केवल जीवनतारे यांनी आपला पत्रकारिता मधील प्रवास सांगत स्वतःला कमी लेखू नका, विपरीत परिस्थिती वर मात करत, पुढे जा, असा सल्ला दिला. दोघांनीही विद्यार्थ्यांशी संवाद साधत त्यांच्या प्रश्नांची उत्तरे दिली.
यावेळी जनसंवाद विभागाच्या समन्वयक डॉ. रजनी वाढई यांची प्रमुख उपस्थिती होती. तसेच जनसंवाद विभागाचे सहाय्यक प्राध्यापक डॉ. संजय डाफ, डॉ. सरफराज अन्सारी, डॉ. चैतन्य शिनखेडे, रोहित कांबळे आदी उपस्थित होते.
