दि. 21 मार्च 2026
- राजकीय आणि सामाजिक क्षेत्रातील दिग्गजांची माडे आमगावात उपस्थिती; निशताई धोंगडे यांचा 'आवाज निळ्या क्रांतीचा' ठरणार मुख्य आकर्षण.!
मीडिया वी.एन.आय :
गडचिरोली/चामोर्शी :
चामोर्शी तालुक्यातील माडे आमगांव येथे उद्या, २२ मार्च २०२६ रोजी एक ऐतिहासिक सोहळा संपन्न होत आहे. भारतरत्न डॉ. बाबासाहेब आंबेडकर यांच्या भव्य पूर्णाकृती पुतळ्याचे अनावरण 'डॉ. बाबासाहेब आंबेडकर स्मारक समिती, माडे आमगाव' यांच्या वतीने अत्यंत उत्साहात आयोजित करण्यात आले आहे. या सोहळ्यासाठी संपूर्ण परिसरात आनंदाचे आणि चैतन्याचे वातावरण असून गावकऱ्यांनी या कार्यक्रमाची जय्यत तयारी केली आहे.
दिग्गजांच्या उपस्थितीत होणार अनावरण...
या भव्य सोहळ्याचे उद्घाटन आदरणीय अतुलभाऊ गण्यारपवार (संचालक, महाराष्ट्र स्टेट को. ऑफ मार्केटिंग फेडरेशन मुंबई तथा जिल्हा अध्यक्ष राष्ट्रवादी काँग्रेस पार्टी) यांच्या हस्ते संपन्न होणार आहे. कार्यक्रमाच्या अध्यक्षस्थानी अशोकजी मेश्राम (अध्यक्ष, तंटामुक्त समिती माडे आमगांव) भूषविणार असून, सहअध्यक्ष म्हणून मा. बबनजी बोरकर यांची उपस्थिती लाभणार आहे.
प्रमुख मार्गदर्शकांची व मान्यवरांची उपस्थिती...
कार्यक्रमाला वैचारिक दिशा देण्यासाठी सामाजिक आणि राजकीय क्षेत्रातील अनेक मान्यवर प्रमुख मार्गदर्शक म्हणून उपस्थित राहणार आहेत. यात: - रोहिदास राऊत (केंद्रीय उपाध्यक्ष RPI),
श्याम रामटेके (सोशल एज्यु. मूव्हमेंट गडचिरोली)
आनंद पी. मेश्राम (आंबेडकरवादी विचारवंत, नागपूर)
रामदास नरोटे, विनोद हाटकर, धर्मानंद मेश्राम
बाळूभाऊ टेंभुर्णे (नगरसेवक तथा विदर्भ समन्वयक VBA)
राज बन्सोड (जिल्हाध्यक्ष आझाद समाज पार्टी)
मा. तुलाराम राऊत, गौतम मेश्राम, फिरोज रामटेके,जी. के. बारसिंगे, "यात सामाजिक कार्यकर्ते व युवा पत्रकार राजेश खोब्रागडे यांच्यासह इतर मान्यवरांचा सहभाग आहे."
धम्म देसना आणि सांस्कृतिक कार्यक्रम पुतळ्याचे पूजन आणि धम्म देसना पूजनीय भदंत धम्मसेवक (महाथेरो), पूजनीय भदंत भागीरथ (महाथेरो) आणि पूजनीय भदंत धम्मविरीयो यांच्या पावन उपस्थितीत पार पडणार आहे.
रात्री ८ वाजता, प्रबोधनकार चंद्रपूर प्रस्तुत सुप्रसिद्ध गायिका निशताई धोंगडे यांचा 'आवाज निळ्या क्रांतीचा' हा भीम गीतांचा आणि प्रबोधनाचा बहारदार कार्यक्रम आयोजित करण्यात आला आहे.
गावकऱ्यांचा उत्स्फूर्त सहभाग...
कार्यक्रमाच्या यशस्वीतेसाठी स्मारक समितीचे पदाधिकारी मधुकर कुरखेडे (अध्यक्ष), किशोर गणवीर (सचिव), राकेश चांदेकर (उपाध्यक्ष), उत्तम फुलझले (कोषाध्यक्ष) तसेच रवी गणवीर, नितेश उराडे आणि सागर भडके हे अहोरात्र परिश्रम घेत आहेत. गावातील प्रतिष्ठित नागरिक रावजी फुस्सी मोहंदा, सरपंच अमोलभाऊ पुंगाटी, सचिव सुरेश पुंगाटी आणि तुळशीराम नरोटे यांच्या सहकार्याने हा सोहळा पार पडत आहे.
"चलो माडे आमगाव" असा नारा देत, या ऐतिहासिक क्षणाचे साक्षीदार होण्यासाठी परिसरातील तमाम जनतेला मोठ्या संख्येने उपस्थित राहण्याचे आवाहन माडे आमगाव येथील गावकऱ्यांच्या वतीने करण्यात आले आहे.
स्थळ: डॉ. बाबासाहेब आंबेडकर चौक, माडे आमगाव व रामदास पाटाळी नरोटे यांच्या भव्य पटांगणात.
वेळ: दुपारी १२:०० वाजता (अनावरण) | रात्री ८:०० वाजता (सांस्कृतिक कार्यक्रम)
