दि. 07 मे 2026
मीडिया वी.एन.आय :
पुणे: महाराष्ट्र राज्य माध्यमिक व उच्च माध्यमिक शिक्षण मंडळाने दहावीच्या विद्यार्थ्यांची धाकधूक अखेर संपवली आहे. मार्च २०२६ मध्ये पार पडलेल्या दहावीच्या परीक्षेचा निकाल उद्या, ८ मे रोजी दुपारी ठीक १ वाजता ऑनलाईन पद्धतीने जाहीर होणार आहे. या निर्णयामुळे राज्यातील सुमारे १६ लाख विद्यार्थ्यांचा जीव भांड्यात पडला आहे.
निकाल पाहण्यासाठी सोप्या स्टेप्स:
विद्यार्थ्यांना त्यांचा निकाल पाहण्यासाठी बोर्डाच्या अधिकृत पोर्टलला भेट द्यावी लागेल. तिथे तुमचा 'रोल नंबर' (Seat No.) आणि 'आईचे नाव' टाकून अवघ्या काही सेकंदात निकाल पाहता येईल.
निकालासाठी 'या' वेबसाईटवर ठेवा लक्ष:
results.digilocker.gov.in (डिजिटल मार्कशीटसाठी सर्वोत्तम)
mahahsscboard.in (अधिकृत बोर्डाची वेबसाईट)
महत्त्वाच्या बाबी:
१. डिजीलॉकर: यंदा विद्यार्थी डिजीलॉकरवरून आपली अधिकृत डिजिटल गुणपत्रिका मिळवू शकणार आहेत.
२. गुणपडताळणी: मिळालेल्या गुणांवर समाधान नसेल, तर निकालाच्या दुसऱ्या दिवसापासून गुणपडताळणीसाठी अर्ज करण्याची सुविधा उपलब्ध असेल.
३. पुनर्परीक्षा: अनुत्तीर्ण विद्यार्थ्यांसाठी जुलै-ऑगस्टमध्ये पुन्हा परीक्षेची संधी दिली जाईल, जेणेकरून त्यांचे वर्ष वाया जाणार नाही.
विद्यार्थ्यांना खास सल्ला: निकाल लागताच सर्व्हरवर प्रचंड लोड येतो, त्यामुळे वेबसाईट उघडण्यास विलंब झाल्यास संयम राखावा आणि काही वेळाने पुन्हा प्रयत्न करावा.
सर्व परीक्षार्थींना निकालासाठी 'ऑल द बेस्ट'!
Maharashtra Board 10th result on May 8! Check the result on mobile; 'These' are the important rules!
#SSC #result #Maharashtra #MediaVNI
