दि. 02 मार्च 2024
Gadchiroli-Chimur Lok sabha 2024: गडचिरोली-चिमूर लोकसभा क्षेत्रामध्ये अशोक नेते हॅट्रिक करणार का.? काय सांगतात समीकरणं?
Gadchiroli-Chimur Lok sabha 2024:
मीडिया वी.एन.आय :
गडचिरोली : गडचिरोली-चिमूर लोकसभा क्षेत्र हे महाराष्ट्रातील 543 लोकसभा निवडणूक क्षेत्रांपैकी एक आहे. लोकसभा मतदारसंघाची आगामी निवडणूक एप्रिल 2024 मध्ये आहे. 2019 मागील लोकसभा निवडणूकीत गडचिरोली-चिमूर येथून अशोक महादेवराव नेते (Ashok Nete) विजयी झाले होते.
मात्र यंदा अजित पवार (Ajit Pawar) गटाचे धर्मराव बाबा अत्राम (Dharmarao Baba Atram) देखील या शर्यतीत असल्याने यंदा गडचिरोली-चिमूर लोकसभा निवडणूक 2024 मध्ये नेमकी कोण बाजी मारणार? येथील मतदार कोणाच्या पारड्यात आपलं दान टाकणार? हे पाहणं औत्सुक्याचे ठरणार आहे. लोकसभा निवडणुकांपूर्वीच जागा वाटपावरून महायुतीत घमासान होणार असल्याचे चित्र दिसत असल्याने उमेदवार निवडताना पक्षश्रेष्ठींचीही कसोटी लागणार आहे.
अशोक महादेवराव नेते की धर्मराव बाबा आत्राम?
पूर्व विदर्भातील गडचिरोली-चिमूर लोकसभा मतदारसंघात एकीकडे सलग दोनदा निवडून आलेले भाजपचे खासदार अशोक नेते यांचा मोदींसोबत हॅट्रिक करण्याचा मानस आहे, तर महायुतीमध्ये सामील झालेल्या अजित पवार गटाचे विद्यमान कॅबिनेट मंत्री धर्मराव बाबा आत्राम हे देखील दिल्ली गाठण्याच्या प्रयत्नांत असल्याचे समजते. धर्मराव बाबा आत्राम यांनी अनुसूचित जमातीच्या उमेदवारासाठी राखीव असलेल्या गडचिरोली-चिमूर मतदारसंघावर दावा केला असून अजित पवार गट यासाठी प्रयत्न करत आहे.
दोनदा निवडून आलेले अशोक नेते यंदा राखणार का गड?
भाजप नेते अशोक नेते हे गडचिरोली-चिमूर लोकसभा मतदारसंघाचे खासदार आहेत. 2014 च्या निवडणुकीत त्यांनी या जागेवर काँग्रेसचे डॉ. नामदेव उसेंडी यांचा 2,36,870 मतांनी पराभव केला होता. अशोक नेते यांना 5,35,982 तर नामदेव उसेंडी यांना 2,99,112 मतांवर समाधान मानावे लागले होते.
गडचिरोली-चिमूर लोकसभा : 543 लोकसभा निवडणूक क्षेत्रांपैकी एक
गडचिरोली-चिमूर लोकसभा मतदारसंघ महाराष्ट्र मध्ये आहे. हा मतदारसंघ 543 लोकसभा निवडणूक क्षेत्रांपैकी एक आहे. गडचिरोली-चिमूर चे निवडणूक क्षेत्र कोड 218 आहे. हा 6 विधानसभा मतदारसंघांचा बनलेला आहे. या विधानसभा गडचिरोली (3), चंद्रपूर (2), गोंदिया (1) जिल्ह्यांमध्ये आहेत.तृतीय पंथीय मतदार संख्या 3 आहे. 2019 मध्ये एकूण मतदानाची संख्या 7,80,370 होती. ज्यात एकूण पुरुष मतदार 5,80,321 आणि महिला मतदार 5,57,036 होत्या. 2019 मध्ये एकूण मतदान 72.26% टक्के झाले होते. गडचिरोलीची लोकसंख्या 20 लाख 94 हजार 874 इतकी असून त्यापैकी 90 टक्के लोक खेड्यात तर 9 टक्के लोक शहरात राहतात. 2014 च्या निवडणुकीत येथे एकूण 14 लाख 69 हजार 767 मतदार होते, त्यापैकी केवळ 10 लाख 27 हजार 129 जणांनी मतदानाचा हक्क बजावला होता.
गडचिरोली-चिमूर लोकसभा मतदारसंघातील मागील काही निवडणुकांचे निकाल
वर्ष- 2019 : अशोक नेते (विजयी उमेदवार- भाजप) 45.05% मतं
2019 च्या लोकसभा निवडणुकीत भाजपा पक्षाचे अशोक महादेवराव नेटे 5,17,722 मते मिळवून विजयी झाले होते.
तर भारतीय राष्ट्रीय काँग्रेस पक्षाचे डॉ. नामदेव दल्लुजी उसेंडी यांना दुसऱ्या क्रमांकाची मते मिळाली.
विजयाचा फरक: 77,336 मते.
वर्ष- 2014 : अशोक नेते (विजयी उमेदवार- भाजप) 52.18% मतं
2014 च्या लोकसभा निवडणुकीत भाजपा पक्षाचे अशोक महादेवराव नेटे 5,35,616 मते मिळवून विजयी झाले होते.
भारतीय राष्ट्रीय काँग्रेस पक्षाचे डॉ. नामदेव दल्लुजी उसेंडी यांना दुसऱ्या क्रमांकाची मते मिळाली. विजयाचे अंतर: 2,36,640 मते.
वर्ष- 2009 : मारोतराव कोवासे (विजयी उमेदवार- काँग्रेस) 38.43% मतं
या मतदारसंघाचे मागील लोकसभा निवडणुकीचे निकाल (लोकसभा 2019)
1 अशोक महादेवराव नेते भाजपा 5,17,722 46.52%
2 डॉ. नामदेव दल्लुजी उसेंडी भारतीय राष्ट्रीय काँग्रेस 4,40,386 39.57%
3 डॉ. रमेशुमार बाबुजा गजबे वंचित बहुजन आघाडी 1,10,736 9.95%
4 हरिचंद्र नौजी मंगम बहुजन समाज पक्ष 28,006 2.52%
5 देताना मोना नन्नावा अपोल पार्टी 16,090 1.45%
(लोकसभा 2014)
1 अशोक महादेवराव नेते भाजपा - 5,35,616
2 डॉ. नामदेव दल्लुजी उसेंडी भारतीय राष्ट्रीय काँग्रेस- 2,98,976
3 रामराव गोविंदा नन्नावा बहुजन समाज पक्ष - 66,877
4 डॉ. गजबे रामेशुमार बाबुजा आम आदमी पार्टी - 44,192
5 नामदेव आनंदराव कॅनकेक भारतीय कम्युनिस्ट पक्ष- 22,510
(लोकसभा 2009)
1 कोवेस मारतोराव सिनूजी भारतीय राष्ट्रीय काँग्रेस - 3,21,349
2 अशोक महादेवराव नेते भाजपा - 2,92,645
3 आत्रम राजे सत्यवनराव बहुजन समाज पक्ष -1,35,500
4 दिनेश तुकाराम मदावी अपक्ष -25,857
5 नामदेव आनंदराव कॅनकेक भारतीय कम्युनिस्ट पक्ष - 22,999
